Lesfimi er samsett færni sem felst í leshraða, lestrarnákvæmni, áherslum og hrynjandi í lestri.  Fjölmargar rannsóknir sýna að sterk tengsl eru milli lesfimi og lesskilnings og með því að bæta lesfimi nemenda eflist lesskilningur jafnframt.

Lesviðmið eru sett þannig að þau sýni stíganda í færni nemenda frá einum bekk til annars, lesfimi  er mæld sem rétt lesin orð á mínútu, stöðlun prófsins miðast við lok skólaársins.

Gert er ráð fyrir því að 90% nemenda árgangs nái lægsta viðmiði (viðmið 1), 50% nemenda árgangsins miðtölunni (viðmið 2) en 25% nemenda árgangs nái efsta viðmiði (viðmið 3.)

Hér eru viðmiðin fyrir árgangana í skólanum, gleymum ekki að miðað er við árangur í lok skólaárs.

Bilið er nokkuð breitt til að gera ráð fyrir eðlilegum einstaklingsmun. Margir þættir geta haft áhrif á framfarir nemenda í lestrarnámi, t.d. áhugi, ástundun, hljóðrænn vandi og hvenær barn er fætt á árinu.

Aldur nemenda	Undir viðmiði	Viðmið 1	Viðmið 2	Viðmið 3
		90% árgangs	50% árgangs	25% árgangs
1.       bekkur	0 – 19	20 – 54	55 – 74	75 og meira
2.       bekkur	0 – 39	40 – 84	85 – 99	100 og meira
3.       bekkur	0 – 54	55-99	100 – 119	120 og meira
4.       bekkur	0 – 79	80 – 119	120 – 144	145 og meira
5.       bekkur	0 – 89	90 – 139	140 – 159	160 og meira
6.       bekkur	0 – 104	105 – 154	155 – 174	175 og meira
7.       bekkur	0 – 119	120 – 164	165 – 189	190 og meira
8.       bekkur	0 – 129	130 – 179	180 – 209	210 og meira
9.       bekkur	0 – 139	140 – 179	180 – 209	210 og meira
10.   bekkur	0 – 144	145 – 179	180 – 209	210 og meira