Kæru foreldrar og forráðamenn við viljum minna ykkur á vetrarfrísdagana sem framundan eru, fimmtudag, föstudag og mánudag  18., 19. og 22. október. Þá eru nemendur og starfsfólk skólans í vetrarleyfi. Frístundaheimilið Klapparholt er lokað þessa daga. Skóli hefst aftur samkvæmt stundaskrá þriðjudaginn 23. október Við vonum að allir eigi gleðilegt og gott vetrarfrí.

Líkt og undanfarin 11 ár tileinkar Krabbameinsfélag Íslands októbermánuð baráttu gegn krabbameini hjá konum og nýtir bleika litinn til að minna á baráttuna.

Föstudagurinn 12. október 2018 er Bleiki dagurinn. Tilvalið er að klæðast bleikum fötum í tilefni dagsins og nýta daginn til hvers kyns bleikra viðburða.

Gaman væri að nemendur og starfsfólk Norðlingaskóla styddu baráttuna í verki með því að mæta í bleiku á morgun, föstudaginn 12. október.

Kæru foreldrar og forráðamenn,

Hægt er að nálgast fréttabréf Norðlingaskóla fyrir september á eftirfarandi slóð: Fréttabréf Norðlingaskóla

Þar má m.a. finna umfjöllun um:

• Það sem liðið er af skólaárinu
• Göngum í skólann og Ólympíuhlaup ÍSÍ
• Foreldraskólavika 9. - 12. október
• Samráðsdagur 2. október 
• Vetrarleyfi 18. - 22. október
• Hrekkjavaka
• UPRIGHT

Með kveðju og ósk um góða helgi.

Ágætu foreldrar/forráðamenn
Samráðsfundur foreldra, nemenda og kennara verður þriðjudaginn 2. október. Opnað verður fyrir skráningu samráðsfunda á morgun, 25. september og verður hægt að skrá viðtöl fram að miðnætti, 1. október.
Þegar þið skráið ykkur inn í Mentor á morgun þá á að vera komin þar ljósblá flís sem á stendur ,,Bóka foreldraviðtal“. Þar undir getið þið valið tíma fyrir viðtalið. Athugið að skrá ykkur inn á ykkar aðgangi (ekki nemendanna). Vinsamlegast snúið ykkur til ritara eða umsjónarkennara ef þið lendið í vanda með skráningu viðtala.
Frístundaheimilið Klapparholt verður opið á samráðsdegi fyrir þá nemendur sem þar eru skráðir. Skráning er hafin og verður opið fyrir skráningu fram að hádegi föstudaginn, 28. september.

Kæru foreldrar og forráðamenn

Á morgun, miðvikudaginn,12. september er undirbúningsdagur starfsfólks í Norðlingaskóla. Nemendur eiga frí þennan dag. Klapparholt er eingöngu opið fyrir nemendur sem eru sérstaklega skráðir þann dag, skráningu er lokið og hafa forráðamenn fengið staðfestingarpóst.