Minnt er á að föstudagurinn 18. maí er síðasti dagurinn til að fara í gegnum óskilafatnað í anddyri íþróttahússins á bilinu milli kl. 08:00 og 16:30.  Eftir helgi verður gengið frá þeim fatnaði sem þá kann að vera eftir og hann afhentur Rauða krossi Íslands.
Vinsamlega notið þetta tækifæri til þess að ganga úr skugga um hvort eitthvað af fatnaðinum tilheyrir ykkur.

Nemendur glíma við ýmis viðfangsefni í list- og verkgreinum. Þeir hafa m.a. unnið ýmsar lífverur sem fólki líkar misjafnlega vel að hafa í kringum sig. Þessir þrír nemendur unnu t.d. glæsilegar kóngulær. Þær koma væntanlega að góðum notum í sumar og haust: „Kónguló, kónguló, vísaðu mér á berjamó...".

Nú styttist í hina árlegu Norðlingaleika.  Dagana 22. - 30. maí verður viðamikil smiðja í skólanum þar sem viðfangsefnið er Bretland og Ólympíuleikarnir. Nemendur vinna í blönduðum hópum, frá 1. bekk og upp í 10. bekk og fræðast um ýmislegt tengt ólympíuleikunum og landinu þar sem þeir fara fram í sumar. Hóparnir sem koma saman í smiðjunum mynda svo keppnisliðin á Norðlingaleikadeginum sem verður 31. maí.

Á morgun, þriðjudag og á miðvikudag eru íþróttadagar í 8. og 9. bekk.  Mikilvægt er að klæðnaður nemenda henti því kuldalega veðri sem nú er. Vonandi eru líka allir búnir að kíkja yfir hjól krakkanna eða útvega sér lánshjól.
Á morgun þriðjudag verða strákarnir í útiveru (hjólaferð og bátasigling) og mikilvægt að þeir komi hlýlega klæddir (EKKI gallabuxum!) og með aukaföt og handklæði. Þá er mikilvægt að vera með góða vettlinga og húfu eða buff undir hjólahjálminum.
Stelpurnar verða í inniíþróttum á morgun og þurfa því að hafa með sér íþróttaföt en á miðvikudaginn fara þær í útivistina og strákarnir í inniíþróttir.